Leygardagin vóru vit til jólahugna her á Kagså, tað var bara fyri føringar. Øll tóku onkran mat við og so var sungi og spælt. Tað var stak hugnaligt og eg var heilt hopla. Bleiv eitt sindir í ørviti av at verða lagdur at sova har uppi, so eg vaknaði aftur klokkan 21 og vildi sleppa at spæla.
Annars havi eg verið so sera raskur at eta í seinastini. Í morgun fekk eg havragreyt fyri 1. ferð. Eg dámdi hann heilt væl. Eg eri eisini blivin raskari at sova. Í nátt svav eg frá klokkan ca. 1 til 9.15 í morgun, tað skal líka viðmerkjast at eg var nakað móður, tí eg hevði grátið frá klokkan 12 til eg sovnaði:) Mamma hevur funnið útav at um sleppi at sova saman við mínum áarrossið, sum eitur Strípus, so sovi eg nógv betri.
Í morgin fara vit til Føroyar, eg gleði meg so nógv at síggja ommu og abba í Grønlandi, abba á Íslandsvegnum, ommu og Hans abba á Argjum og ikki minst langommu. Nú er veturin komin, so eg má heldur taka vetrarklæðini við upp, mamma og babba lótu meg í eina kavadrakt nú ein dagin... sá eitt sindur í sum ein bamsa.
Hetta var ein hugnaligur túrur
ReplyDelete